Punime në rrjet, ja cilat janë zonat ku do të ketë ndërprerje të energjisë gjatë ditëve në vijim

Disa zona periferike të kryeqytetit do të kenë ndërprerje të energjisë elektrike, si pasojë e punimeve që po kryhen në rrjetin e shpërndarjes.

Këtë të martë nga ora 9 e mëngjesit e deri në orën 16:00, pjesërisht pa drita do të jenë banesat e bizneset në rrugën “Budi” dhe rrugën “Qemal Stafa”.

Gjithashtu, abonentët në zonën pranë Pallatit të Sportit “Asllan Rusi” dhe në rrugën “Dritan Hoxha” do të përballen me ndërprerje të energjisë.

Ndërkohë, në datën 6 tetor, nga ora 00:00 deri në orën 05:00, pjesërisht pa drita do të jenë rruga “Ilia Dilo Sheperi”, rruga “Gjovalin Gjadri”, rruga “Hamdi Pepa”, rruga “Bedri Karapici”, rruga “3 Dëshmorët” pranë KMY, Biznese private brenda territorit të ish- “Misto Mames, Kaon, rruga “Tish Daia”, pranë Kopshtit Botanik, “Kodra e Diellit”, zona pranë ish-Drejtorisë së ujërave (Selite), Lagjia “Garunj”, Mjull Bathore, Lundër, Vishnje, Arbanë.

Ndërsa në datën 8 tetor, nga ora 9 e mëngjesit dhe për 4 orë me radhë do të ketë ndërprerje të energjisë elektrike në Qerekë dhe Tapizë, në kryeqytet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern