Të gjithë jemi të vetëdijshëm që mëngjesi është vakti më i rëndësishëm i ditës. I njëjti parim vlen po ashtu edhe për pacientët që vuajnë nga artriti. Një studim i kryer kohët e fundit, thotë se ngrënia e një racioni me drithëra, siç është tërshëra, arrorët dhe farat, çdo mëngjes, i mban kockat më të forta.
Një ushqim i tillë ka shumë gjasa të parandalojë disa lloje të artritit kronik që mund të shfaqen në një fazë të mëvonshme të jetës. Ekspertët thonë se një regjim ushqimor i pasur me fibra mund të ketë një ndikim shumë pozitiv kundër sëmundjeve që prekin gjymtyrët dhe indet. Kjo ndodh pasi fibra përmirëson florën bakteriale, që ndihmon metabolizmin dhe përmirëson të gjithë sistemin imunitar. Një imunitet i shëndoshë, ul po ashtu gjasat e shfaqjes së sëmundjeve autoimunitare siç është artriti.
Drithërat, farat dhe arrorët janë alternativa shumë të shëndetshme dhe duhen ngrënë çdo mëngjes. Ato konsiderohen si tepër miqësore ndaj mikro organizmave në stomak, për imunitetin dhe dendësinë e kockave. Shumë prej baktereve të cilat gjenden në stomak, përmirësojnë tretjen, japin më shumë energji dhe kanë efekt qetësues ndaj reagimeve inflamatore. Acidet yndyrore të ngopura të cilat prodhohen në stomak, gjenden edhe brenda lëngjeve që përshkruajnë gjymtyrët.
