Titulli i kampionit pas 26 vitesh për Partizanin bëri një jehonë të madhe mediatike. Shumë urime nga sportistë, tifozë dhe politikane shkuan në adresë të “klubit të kuq”.
Por këtë të enjte, Partizanin e ka uruar edhe vetë presidenti FIFA-s Xhani Infantino. Përmes një letre të dërguar në adresë të klubit, italiani ka përgëzuar Partizanin për fitimin e këtij titulli kampion kaq shumë pritur nga të gjithë.
Letra e Infantinos për Partizanin:
I dashur President
U gëzova shumë kur mësova që KF Partizani u kurorëzua kampion i Shqipërisë për sezonin 2018/2019. Me gëzim të madh e përgëzoj ekipin për titullin kampion, të cilët e prisnin që nga 1993, dhe të 16-tin në total.
Kjo është pa dyshim rezultati i përpjekjeve dhe një pune të palodhshme, dhe i gjithë stafi dhe personat e përfshirë duhet të jenë krenarë për këtë arritje të madhe.
Përcillja përgëzimet e mia lojtarëve, trajnerit, administratorëve, stafit teknik dhe mjekësor , gjithashtu edhe tifozëve të saj.
I inkurajoj ata të vazhdojnë punën me vendosmëri dhe përkushtim.
Ne emër të komunitetit ndërkombëtar të futbollit, gjej rastin të falenderoj KF Partizanin dhe Federatën tuaj, për ndihmën e shpërndarjes së mesazheve pozitive për futbollin, dhe praktikimit të kësaj loje të bukur që na bashkon të gjithëve.
Me kënaqësi pres t’ju takoj së shpejti në Paris, me rastin e Kongresit të 69-të FIFA-s.
Me respekt,
Gianni Infantino
