Zbardhet programi qeverisës i Partisë Socialiste për mandatin e tretë.
Bëhet fjalë për 42 faqe material, i cili është ndarë në 5 shtylla kryesore, ku do të fokusohet plani politik për 4 vitet e ardhshme.
Ndërkohë nesër do të mbahet seanca plenare ku pas konfirmimit në detyrë të qeverisë së re, do të bëhet publik programi dhe nga vetë kryeministri Edi Rama.
Janë parashikuar 4 orë fjalim, ku ai pritet të analizojë sektor më sektor prioritetet e qeverisë së tij për 4 vitet e ardhshme. Po ashtu në orën 13:00 është parashikuar që kreu i qeverisë t’u përgjigjet pyetjeve të deputetëve deri në orën 16:00.
- Rimëkëmbje e ekonomisë nga tërmeti dhe pandemia.
- Mirëqenie për të gjithë, që do të përkthehet në një ekonomi të zhvilluar që krijon shanse për të gjithë.
- Modernizim për zhvillim të ekonomisë prodhuese, turizmit, energjisë, bujqësisë, ekonomisë digjitale, transporteve dhe shërbimeve.
- Familja si themeli ku ndërtojmë të ardhmen.
- Shqipëri e fortë, me shtet të fortë, vëmendje për çdo Shqiptar dhe me dinjitet në botë.
‘Qeverisja nuk është zanat por mandat i deleguar nga populli për ta ngjitur vendin më lart në shkallën e zhvillimit.Mandati i tretë i kësaj mazhorance është historik dhe vendimtar për Shqipërinë edekadës që sapo ka filluar dhe sidomos për hapat që do të shoqërojnë të ardhmen efëmijëve tanë. Kjo është arsyeja pse programi qeverisës është konceptuar si një plan i kujdesshëm dhe i detajuar reformash dhe aksionesh, që synon të materializojë në çdo qelizë të qeverisjes vizionin “Shqipëria 2030”, një projekt madhor që mishëron ambicien tonë për ta çuar Shqipërinë në nivelin tjetër të zhvillimit. Pas dy mandateve sfiduese për qeverisjen socialiste, pas mandat të parë gjatë të cilit u jetësuan reformat më të vështira por të domosdoshme për vendin dhe pas mandati të dytë ku përballuam me sukses dy fatkeqësi të njëpasnjëshme, si tërmeti dhe pandemia, sot kemi themele të forta mbi të cilat do të ndërtojmë Shqipërinë 2030, një shtet europian që vendos një tjetër standard të qeverisjes në shërbim të qytetarëve shqiptarë. Mandat i tretë organikisht nis me objektva të qarta për mënyrën si do të ndërtojmë, hap pas hapi, të ardhmen tonë europiane, duke u mbështetur së pari në 5 shtylla kryesore-thuhet në nisje të programit.
Në program preken me pika të gjitha objektivat që do të synohen të arrihen përgjatë 4 viteve:
-Çdo qytetar shqiptar do të ketë mundësinë të vaksinohet deri në pranverën e vitit 2022.
-Të gjithë familjet që mbetën pa shtëpi, do të marrin një të re, më të mirë, më të fortë, më të bukur dhe mbi të gjitha falas, të dhuruar nga shteti, që t’ia trashëgojnë brezave, ta shesin dhe ta gëzojnë me të drejta të plota.
-Administrata do të ketë një rritje rroge me 30% ose e thënë ndryshe, rroga mesatare në administratë do të jetë 850,000 lekë (të vjetra) në muaj. Rritje do të ketë edhe për mësuesit dhe mjekët, pagat e të cilëve do rriten me 40%.
