LIGJET E BIZNESIT
Dhuna ndaj grave është një ndër fenomenet me të rënda, me të cilin përballet shoqëria shqiptare. Ajo është përhapur kudo, si nga pikëpamja fizike, ashtu dhe nga ajo psikologjike.
Në lidhje me këtë temë ka folur në emisionin “Rudina” në Tv Klan juristja Eni Çobani.
Juristja Çobani është shprehur se ndihet e prekur për këto ngjarje dhe sipas saj ka ardhur në një pikë që ajo nuk duron dot më dhe fajin nuk ia hedh ligjit por familjes, e cila aprovon lidhjen e një vajze minorene, vetëm 14 vjeç me një djalë. Sipas saj, Sabrina, vajza 23-vjeçare do të duhet të ndodhej në fakultet dhe jo nënë e një vajze të vogël.
“Nuk mundem ta pranoj më dhe kam ardhur në një pikë që ndoshta dhe nga ana njerëzore, morale dhe profesionale që kur do i biem këtij mali të fortë me grusht dhe ta rrëzojmë? Nuk flas në kuptimin figurativ, por në të vërtetë.
Unë personalisht nuk jam mirë dhe sapo kam marrë ftesën për tek ty nuk kam hezituar fare edhe pse sot kam qenë në shumë angazhime të mia, kam thënë që tek Rudina do të shkoj sepse unë doja të flisja, të ndaja këtë dhimbje me kolegët, me shqiptarët që po na ndjekin, me nënat dhe familjarët.
Ku po shkojmë, çfarë po bëjmë, pas një djali dhe një vajze është gjithmonë një nënë, është një grua dhe ne jemi zemreku dhe çelësi i një shoqërie që duhet të sjellim qetësi dhe buzëqeshje. Nëse ne vijmë sot dhe themi çdo bëjë ligji, jam realisht e ezauruar se çfarë do bëjë ligji. Sot ne duhet të jemi më të fortë se kurrë. Nuk është zgjidhja të shajmë drejtësinë dhe ligjin, unë jam që të vëmë gishtin tek plaga dhe plaga më e madhe është familja shqiptare.
Nëse unë dëgjoj një nënë të një djali sikundër ka dalë gjithë këto ditë dhe nuk kam dëgjuar prej saj t’i drejtohet familjes tjetër me ngushëllime për humbjen e jetës së vajzës, unë këtë nënë nuk mund ta pranoj dot përpos dhimbjes që ka për djalin e saj, por familja tjetër ka humbur një vajzë 23 vjeç. Ajo duhet të ishte në fakultet sot, jo nënë e një fëmije, e larguar nga banesa që në moshën 14 vjeç është shprehur Eni Çobani.
