Një plantacion i madh me kanabis është zbuluar së fundmi nga policia spanjolle.
Mediat e huaja bëjnë me dije se për ambientin kujdesej një shqiptar.
Ferma ndodhej në Bashkinë e Jarandilla de la Vera dhe aty kishte të mbjella gjithsej 1 mijë e 117 rrënjë. Një 24 vjeçar shqiptar, që kujdesej për ujitjen e bimëve narkotike, u arrestua pas aksionit të policisë.
Shqiptari kishte ndërtuar një sistem të veçantë, që çonte ujin në çdo bimë. Të gjitha bimët e kanabisit u prenë dhe në fund pesha e tyre rezultoi rreth 1 ton.
