Çfarë po ndodh? Ilir Meta vë në lëvizje SPAK për ministrat e rinj të qeverisë “Rama 3”

Prokuroria e Përgjithshme ka nisur punën për verifikimin e listës se emrave të ministrave pjesë e kabinetit qeveritar “Rama 3”, menjëherë pas shkresës së presidentit Ilir Meta.

Ky institucion u ka nisur kërkesë të gjithë organeve të hetimit në vend, për të marrë informacion për secilin prej ministrave.

Sapo të ketë gati dokumentet, Prokuroria e Përgjithshme do ti përgjigjet kërkesës së Kreut të Shtetit.

Drejtuesi i SPAK, Arben Kraja ka pohuar se u ka ardhur shkresa dhe kanë nisur verifikimet për disa prej emrave për ministër. Gjithashtu ai është shprehur se do ketë përparësi çështje, kjo për shkak edhe të afatit 7 ditor që Presidenti ka për të bërë dekretimin e ministrave të propozuar nga kryeministri Edi Rama. Më tej ai shton se pas verifikimeve qe do të ndërmerren do japin informacion zyrtar aq sa edhe ligjie e parashikon. Të gjitha materialet po perpunohen, dhe pritet që brenda afatit presidentit ti kthehet edhe një përgjigje.