Gjeti derën e hotelit të mbyllur, shqiptari tentoi të ngjitej nga muri, përfundon në spital Gjeti derën e hotelit të mbyllur, shqiptari tentoi të ngjitej nga muri, përfundon në spital

Një 49-vjeçar ka mbetur i plagosur gjatë natës në Elbasan. Bëhet me dije se Vaso Koça, shqiptar i cili jetonte në Belgjikë, kishte prenotuar që të qëndronte në një hotel në Elbasan.

Burime zyrtare konfirmojnë se kur Koça kishte tentuar të hynte në hotel, dera e tij ishte e mbyllur, ndaj edhe kishte menduar që të kalonte nëpërmjet murit rrethues, por për pasojë është rrëzuar dhe është plagosur. Ngjarja u shnëua rreth orës 01:30. Për fat të mirë, ai ndodhet jashtë rrezikut për jetën.

“Më datë 12.09.2021, rreth orës 01:30, shtetasi V.K., 49 vjeç, banues në Belgjikë, pasi ka gjetur portën e jashtme të hotelit ku rrinte të mbyllur, është ngjitur nga muri i jashtëm rrethues i hotelit dhe më pas është rrëzuar aksidentalisht dhe ndodhet në Spitalin Rajonal Elbasan, jashtë rrezikut për jetën. Grupi hetimor vijon punën për dokumentimin e plotë të rrethanave të ngjarjes.”, thuhet në njoftimin e policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern