Tiranë/ Bie ashensori i pallatit në “Astir”, plagoset një grua shtatzënë dhe 4 persona të tjerë

Ashensori i një pallati në zonën e “Astirit” ka pësuar defekt teknik dhe ka rënë duke shkaktuar plagosjen e 5 personave që ndodheshin brenda.

Ngjarja ka ndodhur pak pas mesnate, teksa në vendngjarje shkuan ambulanca dhe forca të shumta policie. Nuk dihet ende gjendja e personave të plagosur.

Bëhet me dije se në ashensor, midis të tjerëve ndodhej edhe një grua shtatzënë dhe një fëmijë.

Njoftimi:

Më datë 12.09.2021, rreth orës 00:05, në Astir, dyshohet se në një pallat është shkëputur ashensori. Si pasojë është dëmtuar shtetasja M. Q, e cila pas marrjes së mjekimit, u largua për në banesë, dhe një shtetase tjetër, ende e paidentifikuar e cila ndodhet në spital, nën kujdesin e mjekëve. Vijon puna nga grupi hetimor për sqarimin e rrethanave të ngjarjes.

https://www.youtube.com/watch?v=xym7PUiCJ6s

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern