“Kjo gjë do të ndodhë sa më shpejt” Rama takohet me princin ministër të Arabisë Saudite, ja lajmi që jep

Princi ministër i Arabisë Saudite ka mbërritur sot në Tiranë për një vizitë  zyrtare.

Ai ka zhvilluar dhe një takim me kryeministrin Edi Rama, ku të dy kanë mbajtur një konferencë të përbashkët për shtyp.

Sipas kreut tonë të qeverisë, kjo vizitë është një tregues i bashkëpunimit mes dy vendeve.

“Vizita e tij, hapja e një kapitulli për takimet bilaterale. I përsërita ftesën për të pritur princin e Kurorës. Besoj që tani më jemi në kushtet kur mund të shohim me optimizëm mundësitë e investimeve, të rritjes së volumit tregtar, bashkëpunimit në tërësi, ramë dakord për të mbledhur Komitetin e Përbashkët, që u mblodh në 2019, për të adresuar prioritetet për thellimin e bashkëpunimit ekonomik”, tha Rama gjatë fjalës së tij.