Hajdari sulmon Ramën nga Kuvendi: Ky njeri që bën tangon e Serbisë, duhet të dijë dy gjëra

Deputetja Rudina Hajdari gjatë fjalës së saj në seancën parlamentare ka folur dhe për rekomandimin pozitiv që Komisioni Europian dha për Shqipërinë.

Gjithashtu Hajdari ka sulmuar dhe kryeministrin Rama i cili sipas saj duhet të ishte sot në Kuvend.

“Kryeministri Edi Rama duhet të ishte sot në Kuvend. Ky njeri që bën ligje në emrin tonë dhe sillet nëpër Europë me reforma të paimplementuara, dhe bën tangon e Serbisë, ndihet i frikësuar nga partia e tij. Ky njeri duhet të dijë dy gjëra, e para se qeveria e tij është në proces regresi dhe jo progresi dhe se integrimi nuk vjen nga njerëz të paintegruar. Këta bëjnë shkelje të pajustrifikueshme, për një vend që do të hyjë në BE. Bindja ime, është se BE do t’i përgjigjet shumicës së shqiptarëve. Duhet të pranojmë se BE na ka ndihmuar shumë, por ndihma e vërtetë duhet të vijë nga ne. Ne nuk dimë vallë çfarë do të thotë të integrohet Shqipëria dhe shqiptarët”, ka thënë Rudina Hajdari gjatë fjalës së saj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern