E rëndë në Elbasan/ Burri hidhet nga tarraca e pallatit, ja dyshimet e para

Një ngjarje e rëndë ka ndodhur mëngjesin e kësaj të shtune në lagjen ‘Visarion Xhuvani’ në Elbasan. Nga të dhënat paraprake të bëra nga policia, mësohet se një 64-vjeçar është vetëhedhur nga tarraca e pallatit ku ai banonte dhe për pasojë ka humbur jetën.

I moshuari dyshohet se vuante nga probleme të shëndetit mendor është nisur menjëherë drejt spitalit të Elbasanit por nuk ka mundur t’i mbijetojë plagëve.

Njoftimi i Policisë:

“Më datë 11.09.2021, rreth orës 10:40, në lagjen “Visarion Xhuvani”, Elbasan, shtetasi A.Sh., 64 vjeç, ( me probleme të shëndetit mendor) , banues në Elbasan, është vetëhedhur nga taraca e pallatit ku banonte, dhe për pasojë ka humbur jetën në Spitalin Rajonal Elbasan”, thuhet në njoftimin e policisë.