“Më shiti për interesa personale”/ Berishës nuk i del inati: Basha ka vite që nuk shkon në SHBA

Me përjashtimin nga grupi i PD, ish-kryeministri Sali Berisha ka nisur një seri akuzash për kryedemokratin Lulzim Bahsa.

Ndërsa e ka quajtur të shitur dhe se ka bërë marrëveshje me Ramën, Berisha tha se Basha ka disa vite që nuk shkon në SHBA.

Ai la të nënkuptohej se nëse Basha nuk do ta kishte përjashtuar, atëherë SHBA do ta shpallte edhe kryedemokratin “non grata”.

“Pabesia njerëzore thyen çdo lojë dhe çdo moral. Një akt të cilin e njoftoi 20 minuta përpara se të dalë në mesazhin e tij. Ma tha në telefon dhe unë e kundërshtova në mënyrë kategorike sepse nuk ishte tagri i tij një vendim i tillë. E kundërshtova në mënyrë të prerë. Pasi foli me mua, ai doli bëri njoftimin pa lajmëruar grupin parlamentar. Mbledhjen e kishte thirrur jo ëpr diskutim, por për njoftimin.

Gjithçka ka bërë, e ka bërë për interesin e tij personal. Kishte një interes personal ai. Ka disa vite që nuk shkon në Shtetet e Bashkuara. Ka bere nje bisedë tre ditë më parë. Më tha se na del problem me ate ligjin. Cilin ligj i thashë une? Dekriminalizimi është për gjera konkrete. Ky ishte në përgjithësi. Ne s’mund të transferojmë sovranitetin. Mos e bëj këtë i thashë”, tha Berisha në Zonë e Lirë.