“Basha i ‘preu kokën’ Sali Berishës” Lajmi bën jehonë dhe në mediat greke: SHBA i bëri presion

Në lidhje me përjashtimin e Sali Berishës nga grupi parlamentar i PD me vendim të Bashës, kanë shkruar dhe mediat greke.

Portalet më në zë të shtetit fqinj kanë analizuar situatën politike në vendin tonë.

Lëvizja e bërë nga kryedemokrati Basha konsiderohet si “prerje koke”.

“Mediat dhe politikanët shqiptarë nuk e kanë fshehur faktin se vendimi i Bashës për të dëbuar Berishën nga grupi parlamentar i partisë së tij, njeriu që e promovoi në drejtimin e Partisë Demokratike në vitin 2013, është rezultat i presionit të SHBA. Në Partinë Demokratike, një stuhi reagimesh pro dhe kundër vendimit të Bashës ka shpërthyer që dje, të enjten. Lidhur me rolin e aktorëve perëndimorë në jetën politike të vendit, veçanërisht SHBA, opinionet janë të ndara në diskursin publik në vend,”-thuhet në një artikull.