Për afro 500 vjet, burrat në një ishull të vogël peruan kanë joshur partneret e tyre duke thurur kapelat tradicionale të Andeve.
Në Taquile, aftësitë e një burri maten me aftësinë e tij për të thurur dhe qëndisur.
Taquile është i famshëm për tekstilet apo dhe veshjet e tij. Gratë kujdesen për delet dhe sigurojnë prej tyre leshin, ndërsa burrat janë ata që prodhojnë veshjet dhe kapelat.
Nëpërmjet tyre, burrat mund të shfaqin kreativitetin e tyre.
Në vitin 2005, arti tekstil i Taquile u vlerësua edhe nga UNESCO që e cilësoi një trashëgimi kulturore.
Burrat kanë mësuar të thurin chullo-n simbolike (një kapelë e gjatë tipike e Andeve) nga baballarët apo gjyshërit e tyre, duke përdorur gjembat e një kaktusi si gjilpëra thurjeje.
Djemtë e ishullit mësohen të thurin në moshën 5 apo 6-vjeçare.
Burrat zgjidhen nga bashkëshortet e tyre, në bazë të aftësive për të thurur me sukses një kapelë me gjilpëra të vogla.
