Gjatë një ceremonie me rastin e publikimit të Raportit të Progresit, ambasadori i BE në Tiranë Luigi Soreca ka hapur telefonin dhe padashje ka zbuluar një nga bisedat e tij me kryeministrin Rama.
Ndërkohë që telefoni i tij ka disa mesazhe dhe sinjale, ai zgjedh të shohë se cfarë i shkruan Rama në Whatsapp.
Pamjet janë publikuar nga Abc Neës dhe bëhet fjalë për një bisedë që zhvillohet pak ditë më parë.
Rama i dërgon një raport të situatës ku mund të zbulohet një fjali :”Basha do të humbiste mbështetjen e ndjekësve të tij më të fortë.”
Më pas Rama përmend dhe Fatmir Mediun kreun e Partisë Republikane që ende nuk dihet ku ka kërkuar të shtyhen zgjedhjet vendore me 6 muaj.
- Mediu u ndal në lidhjet ndërmjet Ramës dhe krimit të organizuar dhe korrupsionit: e vetmja mënyrë për të pasur zgjedhje të lira dhe të ndershme ishte që të shtynin zgjedhjet (me gjashtë muaj) dhe të fokusoheshin në kushtetut…”– i shkruan Rama në anglisht, ambasadorit Soreca.
Ky i fundit i është përgjigjur shkurt në italisht me fjalët: “Çmenduri”.
“E pe?” – ia kthen Rama?
Po, e pabesueshme” – e mbyll bisedën ambasadori i BE-së.
Në telefonin e Sorecës është një mesazh që përkon me ditën e mërkurë ku e uron Ramën për vendimin e KE që rekomandoi hapjen e negociatave.
