LIGJET E BIZNESIT
Gazetari Artan Hoxha ka folur rreth investimit më të ri të narkotrafikantëve.
Bëhet fjalë për një pajisje që luan rolin e një vëzhguesi, por që nuk ka nevojë as të flejë gjumë apo të ushqehet.
Ajo vendoset në një pemë, në një pozicion që mos të pikaset nga kalimtarët, dhe ngjan me një radio komunikimi, por në një madhësi tjetër.
I ftuar në studion e ‘AbcNeës’, Hoxha tha se në momentin që pikas lëvizje, kjo pajisje bën foto dhe video, pamje të cilat përfundojnë në celularët e të zotëve. Kështu, personi që ka mbjellë parcelën do ta dijë në çdo moment se kur dikush i pa autorizuar shkel në tokën e tij. Madje kjo pajisje bllokon valët dhe nuk lejon që zona të kontrollohet nga dronët.
“Kjo pajisje, siç e shikon vendoset në një anë të pemës dhe është shumë më mirë se një roje. Një roje është human, fle, e zë gjumi, komunikon, ka njerëz, shoqëri. Ndërsa kjo pajisje nuk ka njerëz, nuk flet dhe është më pak e kushtueshme. Kjo pajisje shërben për të ruajtur gjithçka. Bllokon valët e dronëve dhe droni nuk shkon dot në atë zonë që ka të instaluara pajisje të tilla. Në momentin që pikas lëvizje, kjo pajisje bën foto dhe video, pamje të cilat përfundojnë në celularët e të zotëve. Qëndron shtatë muaj të paktën në pemë dhe nuk ka nevojë për karikim,”- tha Hoxha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
