LIGJET E BIZNESIT
Në Tiranë këtë të mërkurë është konsumuar një tjetër skandal. Në një nga zonat më të njohura të kryeqytetit, e njohur si Selvia, në kryqëzimin mes ‘rrugës së Dibrës’ dhe ‘rrugës së Saraçëve’, janë prishur disa dyqane nga inspektorati i Bashkisë Tiranë.
Pronarët e këtyre dyqaneve të rrënuara, ka publikuar dhe dokumentet që disponojnë dhe e cilësojnë këtë veprim si të paligjshëm dhe arbitrar. Bëhet fjalë për disa banesë karakteristike tiranase mbi 90-vjeccare për të cilat duhet të lëshohet një leje e posaçme për restaurimin e tyre dhe jo më që të prishen.
Banorët e këtyre banesave kanë denoncuar se nuk kanë pasur asnjë informacion për këtë aksion të Bashkisë dhe se janë njoftuar vetëm në momentin e fundit nga qiramarrësit. Rasti ka përmasa edhe më të mëdha skandaloze, për shkak se në momentin e prishjes së tyre janë shkatërruar edhe orenditë që kishin brenda. Policia e mbërritur në vendin e ngjarjes nuk ka dalë në krahë të pronarëve, por ka mbështetur këtë aksion të inspektoratit ndërtimor urbanistik të Tiranës.
Një nga objektet e prishura, banorët thonë është privatizuar pas viteve 90’ konform të gjitha rregullave dhe procedurave ligjore të parashikuara. Ky nuk është rasti i parë që Bashkia Tiranë dhe inspektoratit ndërtimor urbanistik pranë saj veprojnë me arbitraritet në drejtim të prishjes së ndërtimeve, duke shkelur ose i tejkaluar procedurat ligjore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
