Plagosja në Shkodër/ Policia del me informacion zyrtar për dy vëllezërit, zbardhet motivi i përplasjes

Mëngjesin e sotëm një ngjarje e rëndë ndodhi në Shkodër, pasi dy vëllezër mbetën të plagosur, njëri me armë zjarri ndërsa tjetri me sende të forta.

Policia ka dalë me informacion zyrtar, ku sipas burimeve  motiv për përplasjen kanë qenë problemet me pronësinë.

NJOFTIMI ZYRTAR I POLICISE

Më datë 08.09.2021, rreth orës 09:15 në Fshatin e Ri, Njësia Administrative Rrethinat, Shkodër, gjatë një konflikti fizik për motive pronësie, është dëmtuar me sende të forta shtetasi Lad Gruda, 34 vjeç.

Konflikti është përshkallëzuar më tej ku shtetasi Xhevahir Fikaj, ka plagosur me armë zjarri pistoletë shtetasin Ilir Gruda, 41 vjeç vëllain e 34 vjeçarit , të cilët janë transportuar në spital jashtë rrezikut për jetën.

Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit.