Një mundësi tjetër vjen për të gjithë maturantët që nuk kanë aplikuar për formularin A1Z në Portalin e Maturës Shtetërore 2021.
Mësohet se deri më 13 shtator 2021 ky portal do të jetë i hapur për aplikime për të gjithë kandidatët.
Lajmin e ka dhënë ministrja e Arsimit Evis Kushi.
“Pas kërkesave të shumta të të rinjve që kanë përfunduar maturën dhe ende nuk kanë plotësuar formularët A1/A1Z, i ftoj të shfrytëzojnë mundësinë për të kryer këtë aplikim në datat 8-13 shtator 2021,” – bën me dije ajo.
Plotësimi online i Formularit A1Z do të kryhet në shkollat ku maturantët apo kandidatët kanë kryer arsimin e mesëm të lartë ose në shkollën e përcaktuar nga KMSH-ja e vendbanimit, nëse shkolla e mesme që kanë përfunduar është mbyllur.
