Të shtëna me armë zjarri në Shkodër, plagosen dy vëllezër

Një ngjarje e rëndë ka ndodhur sot paradite në fshatin Mes, në njësinë administrative të Postribës në Shkodër.

Bëhet fjalë për dy vëllezër të cilët kanë mbetur të plagosur, njëri me armë zjarri dhe tjetri me sende të forta.

Autori është identifikuar nga policia dhe po punohet për kapjen e tij.

Ende nuk dihen rrethanat se si ka ndodhur ngjarja.

Ndërkohë vëllezërit e plagosur janë dërguar në spitalin e qytetit të Shkodrës, ku po marrin ndihmën e nevojshme mjekësore.