“Situata u doli nga kontrolli” Zjarri i madh në Panaja, policia arreston 2 persona dhe sqaron ngjarjen

Dy persona kanë rënë në pranga nga policia e Vlorës.

Ata akuzohen si përgjegjës për zjarrin e madh që ra një ditë më parë në fshatin Panaja, i cili dogji një sipërfaqe toke me ullinj dhe bimësi.

“Specialistët për Hetimin e Krimeve në Komisariatin e Policisë Vlorë, arrestuan në flagrancë shtetasit:

Sardi Dalipaj, 26 vjeç, banues në fshatin Bishan dhe Fatmir Rrapaj, 64 vjeç, banues në fshatin Mifol ( punonjës të një firme pastrimi) si dhe proceduan në gjëndje të lirë për shkak të moshës, shtetasin e mitur me iniciale E. D., 14 vjeç”, bëri me dije policia e cila sqaroi se:

“Këta shtetas në bashkëpunim me njëri-tjetrin, dyshohen se kanë ndezur zjarr, për djegien e mbeturinave, anës rrugës së vjetër Vlorë -Novoselë dhe si pasojë zjarri, i favorizuar dhe nga era, ka dal jashtë kontrollit duke djegur një sipërfaqe të konsiderueshme toke me ullinjë dhe bimësi të ndryshme në fshatrat Panaja dhe Bestrovë”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Materialet i kaluan Prokurorisë së Rrethit Gjyqësor Vlorë, për veprën penale “Shkatërrimi i pronës me zjarr”, kryer në bashkëpunim.