Me fraktura të rënda dhe hematoma/ Kush janë dy efektivët e “Shqiponjave” që u plagosën në Tiranë

Një aksident i rëndë ndodhi sot në Tiranë,, ku për pasojë u plagosën dy efektivë të forcave “Shqiponja”.

Mësohet se ata janë Edison Mehmetaj dhe Jurgin Duka.

Ndërkohë uniformat blu kanë ndaluar drejtuesin e mjetit që shkaktoi aksidentin me pasoja të rënda.

Sipas informacioneve, të dy efektivët kanë fraktura dhe hematoma në gjymtyrë, ndërsa një grup hetimor po verifikon provat në vendngjarje për të kuptuar se kush e ka pasur fajin.

Rreth orës  10:05, në rrugën “Shkëlqim Fusha”, janë përfshirë në përplasje mjeti me drejtues R. K., 40 vjeç me mjetin motorr të policisë me drejtues E. M dhe pasagjer J. D,(punonjës policie në shërbim).

Si pasojë janë dëmtuar të dy punonjësit e policisë, të cilët u dërguan në spital dhe ndodhen nën kujdesin e mjekëve.

Grupi hetimor punon për sqarimin e rrethanave të aksidentit.