Dyshohet se vodhi 730 të brendshme femrash/ Policia arreston 56-vjeçarin si nëpër filma

Një burrë në Japoni ka përfunduar në prangat e policisë pasi ka dyshime se është autor i grabitjes së më shumë se 700 të brendshme femrash nga lavanderitë me pagesë.

Mediat e huaja shkruajnë se autoritetet fillimisht  u njoftuan nga një studente 21-vjeçare e paidentifikuar, e cila akuzoi Tetsuo Urata, 56 vjeç, për vjedhjen e gjashtë palëve të brendshme prej saj në një lavanderi në datën 24 gusht.

Nga kontrollet e policisë, rezultoi se shtetasi Urata kishte  të fshehura në banesën e tij 730 pjesë të brendshme.

Urata u arrestua menjëherë nga policia ndërsa edhe ka pranuar të gjitha akuzat e ngritura ndaj tij për vjedhjen e të brendshmeve.

“Ne nuk kemi konfiskuar një numër kaq të madh të brendshmesh”, ka thënë një zëdhënës i departamentit të policisë së qytetit Beppu për Abema TV.

Policia e qytetit Beppu për momentin po kryen hetime mbi incidentin.

Nuk është hera e parë që Japonia ndeshet me një situatë të tillë. Më herët, në mars të këtij viti, Takahiro Kubo, një elektricist 30-vjeçar, u akuzua nga autoritetet për vjedhjen e 424 pjesëve të brendshme dhe rroba banje nga vajzat adoleshente.

Ai u kap kur një banor në Saga e regjistroi atë duke u përpjekur të vidhte rroba banje që ndodheshin për t’u tharë në telin e rrobave.