Ndodh në Korçë/ 21 vjeçari merr kallashin dhe i sulet dy vajzave, policia jep detajet

Një ngjarje e rëndë ka ndodhur në fshatin Gjonomadh të Korçës.

Dy vajzave i është rrezikuar seriozisht jeta.

Burime zyrtare bëjnë me dije se një i ri ka marrë automatikun duke i dalë atyre para, të cilat i ka kërcënuar.

Për fat të mirë, i riu nuk ka qëlluar, gjë që do të rezultonte fatale për 15 dhe 20 vjeçaren. Pas ngjarjes ato kanë shkuar në shtëpi duke i treguar të afërmve për ngjarjen, të cilët njoftuan menjëherë policinë.

“Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit D. L., 21 vjeç, banues në fshatin Gjonomadh, Korçë.

Më datë 04.09.2021, në fshatin Gjonomadh, ky shtetas për motive të dobëta, dyshohet se ka kanosur me armë zjarri tip automatik, një 15-vjeçare dhe një 20-vjeçare. Nga ana e Policisë po punohet për dokumentimin e plotë të kësaj ngjarjeje”, njofton policia.