LIGJET E BIZNESIT
Paraditen e sotme Damian Gjiknuri, tashmë Sekretar i Përgjithshëm i Partisë Socialiste ka folur për mediat pas mbledhjes së zhvilluar në selinë rozë.
Në fjalimin para gazetarëve, ai ka deklaruar se fillimi i vitit 2022 do ta gjejë këtë forcë politike me statut dhe organizim të ri.
“Fillimi i vitit do ta gjejë PS me statut të ri dhe orgnizim të ri. Kjo pasi duhet ti përgjigjemi sfidave që kërkon mandati i tretë. Njerëzit presin më shumë. PS ka eksperiencë të madhe, por ka pasur dhe probleme për të cilat duhet të reflektojmë”, tha Gjiknuri.
I pyetur për pakënaqësit brenda Partisë, Sekretari i Përgjithshëm u shpreh se deri tani në selinë rozë nuk ka asnjë kërkesë të strukturuar, por Damian Gjiknuri pranoi se mund të ketë “ndonjë mos-realizim pritshmërish”.
“Nuk e di pakënaqësinë, sepse unë nuk kam dëgjuar ndonjë pakënaqësi të strukturuar. Natyrshëm që brenda një organizate ka pritshmëri të ndryshme. Mund të ketë ndonjë mos-realizim të ndonjë pritshmërie, por ky është një proces që do vazhdojë dhe do fashitet rrugës. PS ka kaluar aq prova dhe më parë sa të mbajë të gjithë ekuilibrat e nevojshëm dhe të nxjerr më të mirën e saj”, u shpreh ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për të ardhmen e PS, Damian Gjiknuri u shpreh: Puna ku duhet të bazohet PS do të jetë një garanci e fortë, që kjo parti të mbetet partia lider në politikën shqiptare.
