“Lajmi s’duhet të ishte fshirë”/ Publikuan deklaratën kundër tij, Berisha kritikon publikisht RD-në

Deklarata e drejtueses së re të Sekretariatit për të Përndjekurit Politikë në Partinë Demokratike, Jonila Godole, kur tha se PD duhej të distancohet nga ish-kryeministri Sali Berisha, bëri bujë në media, për vetë faktin se u publikua edhe në median zyrtare të PD, RD, që pas disa çastesh u fshi.

I pyetur për këtë Berisha tha se nuk është gabim deklarata, por fshirja e lajmit nga RD-ja.

“Për mua nuk është gabim deklarata, gabim ishte fshirja e lajmit nga RD-ja. Unë jam totalisht kundër censurës, kam vuajtur shumë me censurën, kam hequr. Çdo njeri është shumë i lirë të thotë çfarë mendon, por kur flet si personalitet politik, duhet të kesh parasysh diçka. Bëri një krahasim me Helmut Kohl…është lideri që unë kam adhuruar, gjithmonë, e kam adhuruar. Krahasimi me të ishte gabim. Helmut Kohl jug jet një llogari e fshehur, nuk tregoi donatorin dhe mori dënimin. Dhe çfarë kam thënë unë atëherë? Mirë bëri që nuk foli sepse të mëdhenjtë nuk tradhëtojnë! Nuk tregoi, nuk foli dhe u ndëshkua. Por, Berishës kurrë nuk do t’i gjeni një llogari të fshehtë, një skandal të tillë si Helmut Kohl”, tha ai në EuroNews.