I pyetur për qëndrimin që ka mbajtur PD dhe heshtjen e Lulzim Bashës, për shpalljen e tij ‘non gratta’, Sali Berisha tha se selia blu ka mbajtur qëndrimin e duhur.
Ai tha në Euronews, se po të kishte prova atëherë PD mund edhe ta përjashtonte.
“Unë mendoj se PD-ja nën vlerësimin tim ka mbajtur qëndrimin që duhet të mbajë. Qoftë në deklaratën e parë, qoftë edhe në vazhdim ka kërkuar prova, transparencë. Që PD-ja të ,arrë qëndrim ndaj një personi, duhet të ketë prova, dokumente, ndryshe nuk mund ta mbajë. Nëse Partia Demokratike do të gjendej para provave, do bënte gabim historik nëse nuk do të merrte vendimin për përjashtimin e atij personi”, tha Berisha.
