Si nëpër filma/ Grabitësit i vijnë me fenelina policie e i vjedhin makinën në autostradë Milot-Rrëshen

Mund t’ju duket e pabesueshme por një shtetasi kosovar i kanë grabitur makinën sy më sy. Së bashku me një pasagjer, shetetasi me iniciale M.A. 21 vjeç po udhëtonte në aksin Milot- Rrëshen kur disa grabitës të kamufluar me makina policie, i bënë me shenjë të ndalonte.

Nën kërcënimin e armëve, grabitësit kanë nxjerrë jashtë mjetit dy të rinjtë nga Kosova, duke ja mbathur në drejtim ende të paditur. Policia ka nisur shoqërimet e para të disa të dyshuarve, si dhe ka marrë dëshmitë e dy viktimave të grabitjes, por ende nuk ka rënë në gjurmët e autorëve.

NJOFTIMI I POLICISË
Në aksin rrugor Milot-Rrëshen, persona ende të paidentifikuar, të cilët udhëtonin me mjet tip “BMW ” , i kanë bërë shenjë ndalimi mjetit tip “Audi” me drejtues shtetasin M.A.,21 vjeç dhe pasagjer shtetasin F.M., 21 vjeç, banues në Kosovë, ku pasi kanë ndaluar , ju kanë marrë automjetin dhe janë larguar.