Aksident masiv në aksin Elbasan-Peqin, plagosen rëndë dy pasagjerë dhe dy drejtuesit e mjeteve

Një aksident i shumëfishtë ka ndodhur ditën e sotme në aksin rrugor Elbasan-Peqin, në fshatin Bishqem.

Dy makina tip “Benz” një “Fuoristradë” janë përfshirë në një aksident, ndërsa paraprakisht mësohet se kanë mbetur të plagosur dy pasagjerët që ndodheshin në mjetin tip “Fuoristradë” dhe dy drejtuesit e mjeteve tip “Benz”.

Të plagosurit janë transportuar për në spital për të marrë ndihmën e parë mjekësore dhe për fat të mirë ndodhen jashtë rrezikut për jetën.

Peqin/ Informacion paraprak:

Më datë 06.09.2021, rreth orës 15:30, në aksin rrugor Elbasan-Peqin, në fshatin Bishqem, Peqin, mjeti tip “Benz” me drejtues shtetasin R.M., rreth 30 vjeç, banues në fshatin Shtëpanjë, Cërrik është përplasur me mjetin tip “Benz” me drejtues shtetasin I.V., rreth 40 vjeç, banues në Fier, dhe me mjetin tip ” Foristrad” me drejtues shtetasin A.T., 57 vjeç, banues në Shkup, Maqedonia e Veriut.

Si pasojë e aksidentit janë plagosur dy pasagjerët e mjetit tip “Foristrad” dhe dy drejtuesit e mjeteve tip “Benz”, dhe ndodhen jashtë rrezikut për jetën.

Grupi hetimor ndodhet në vendgjarje dhe po punon për zbardhjen e shkaktut të aksidentit.