Del nga ‘moda’ kamioni/ Kapen 16 shqiptarë duke ikur me jaht në Angli

Metoda e ikjes me kamion në Angli në mënyrë ilegale është tashmë e njohur.

Por mesa duket gjërat kanë ndryshuar disi, pasi së fundmi policia holandeze ka bllokuar një jaht, në të cilin gjendeshin 16 shtetas shqiptarë.

Sipas mediave vendase, krahas tyre janë kapur dhe dy persona me origjinë nga Ukraina, të cilët besohet se ishin drejtuesit e mjetit që do të vijonte më tej lundrimin.

Të dy ata do të akuzohen për trafik të qënieve njerëzore, ndërsa janë publikuar edhe pamjet e jahtit të bllokuar. Nuk bëhet e ditur se nga ishin nisur shqiptarët, ndërsa destinacioni i tyre ishte Britania e Madhe.

Policia po kryen hetime të tjera në lidhje me këtë rast të trafikut njerëzore, pasi është rast i përsëritur dhe dyshimet janë se bëhet fjalë për një linjë, e cila përdoret vazhdimisht nga grupe që duan të kalojnë emigrantë të paligjshëm në ishullin britanik.

Gisteravond hebben we bij een controle van een plezierjacht bij de kust van Zeeland samen met @PolitieLE en @Kustwacht_nl 2 Oekraïense verdachten aangehouden als verdachten van mensensmokkel. Op het jacht werden 16 Albanezen aangetroffen. Marechaussee doet het onderzoek. pic.twitter.com/efxRf5Uni7

— Koninklijke Marechaussee (@Marechaussee) September 4, 2021