“Mbroni ata që kërkojnë një jetë të re” Papa Françesku thirrje shteteve që të mirëpresin afganët

Pas marrjes së pushtetit nga talebanët dhe largimi i afganëve nga vendi i tyre, Papa Françesku i bëri thirrje shteteve që ti pranojnë këta refugjatë.

Nga Sheshi i Shën Pjetrit në Vatikan, Ati i Shenjtë u lut këtë të diel që personat e zhvendosur brenda Afganistanit të marrin ndihmë dhe mbrojtje.

“Në këto momente kur afganët po kërkojnë strehim lutem që shumë vende të mirëpresin dhe mbrojnë të gjithë ata që kërkojnë një jetë të re”, u shpreh Papa Françesku.

SHBA më 30 gusht kanë përfunduar tërheqjen e plotë të trupave nga Afganistani pas 20 vitesh të prezencës ushtarake atje.

Vendi tashmë është nën kontrollin e talebanëve dhe shumë afganë po largohen nga vendi, ndërsa nuk janë të sigurt për të ardhmen e tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern