Aksidentohet një makinë policie në kryeqytetin e Kosovës Prishtinë, ku janë lënduar pesë persona.
Përplasja ndodhi ndërmjet një veture policore dhe një makine të tipit ‘Golf ‘ në rrugën “Agim Ramadani” në Prishtinë gjatë mbrëmjes.
Ngjarja është konfirmuar nga zëdhënësja e Policisë për rajonin e Prishtinës, Flora Ahmeti, teksa ka bërë të ditur se tre nga pesë të lënduarit janë policë.
“Si pasojë e aksidentit pesë persona ( tre nga ta zyrtarë policor) kanë pësuar lëndime trupore. Personat e lënduar janë dërguar për trajtimin e nevojshëm mjekësor”, thuhet midis të tjerash në komunikatën e lëshuar nga Ahmeti.
Vijojnë hetimet për zbardhjen e shkaqeve të këtij aksidenti.
