Mungoi në ceremoninë ku Rama falenderoi ushtarët, Yuri Kim pranon ftesën për kafe nga qytetarët dibranë

Sot kryeministri Rama falenderoi ushtarët dhe zjarrfikësit për punën për shuarjen e zjarreve, në një ceremoni ku mori pjesë po ashtu edhe zëvendës ambasadori amerikan Damian Smith.

Ai zëvendësoi ambasadoren Yuri Kim, pasi kjo fundit ndodhej në një udhëtim në Peshkopi. Ambasadorja ka publikuar fotot nga Peshkopia, ku thotë se ka pranuar me kënaqësi ftesën e disa qytetarëve dibranë për të pirë kafe.

Në këtë udhëtim ambasadorja  ishte e shoqëruar edhe nga ambasadorja suedeze në Shqipëri, Elsa Hastad.

“Në vizitën time të parë në Peshkopi, Dibrën e bukur, me ambasadoren Elsa Hastad. Ne vizituam qendrën turistike lokale që u zhvillua me mbështetjen e @usaid & @sidasëeden. Ne gjithashtu takuam shumë qytetarë miqësorë gjatë shëtitjes sonë në bulevardin kryesor, përfshirë disa zotërinj që na ftuan për kafe. Faleminderit Ethem Muda, Shukri Konesha, Nuri Sallahu & Xhemal Jashari për kafen & bisedën. Ne pajtohemi 100% që Dibra ka potencial të madh që duhet zhvilluar më shumë. Shpresoj të vizitoj përsëri së shpejti”, shkruan ambasadorja Kim.