Mbi 1.5 milionë vaksinime kundër virusit në Shqipëri, Rama ka një apel për qytetarët

Mbi 1.5 milionë vaksinime janë kryer në vendin tonë deri në këto momente. Lajmi bëhet me dije nga kryeministri Edi Rama. Ky i fundit, u bën thirrje të gjithë qytetarëve që të bëjnë vaksinën kundër Covid-19.

“Vaksinohuni, vaksinohuni, vaksinohuni!
#MbroniShëndetin
#VaksinatShpëtojnëJetë
#ShqipëriaBuzëqesh ”, shkruan Rama.

Përmendim faktin se shifrat e Covid-19 në vendin tonë vijojnë të jenë të larta. Ministria e Shëndetësisë raportoi ditën e sotme se nga 5901 testime kanë rezultuar 895 raste të reja, ndërsa 3 persona kanë humbur jetën.

Aktualisht janë 11,288 pacientë aktivë me koronavirus në të gjithë vendin. Në Spitalin Infektiv po marrin trajtim 114 pacientë, nga të cilët 19 janë në gjendje më të rënduar.