LIGJET E BIZNESIT
Dalin detaje të reja nga megaoperacioni i zhvilluar në tre shtete: Gjermani, Spanjë dhe Shqipëri.
Në pranga ranë gjithsej 107 persona si të përfshirë në trafikun e drogës.
Ndërkohë më vonë u mësua se një shqiptar ishte një ndër anëtarët kryesorë të këtij rrjeti trafikantësh që furnizonte Spanjën me lëndë narkotike.
Stefan Curri është emri i shqiptarit nga Puka i cili kishte një rol të rëndësishëm në këtë grup kriminal. Sipas hetimeve, Curri rekrutonte qytetarë nga zona e Pukës dhe Mirditës për të punuar në kultivimin e kanabisit.
Fillimisht ai i paguante biletat e udhëtimeve duke i ftuar si turistë dhe më pas i kthente në punëtorë dhe roje të “shtëpive të barit” në Spanjë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në momentin e ndërhyrjes së Europol, anëtarët e grupit kriminal po devijonin furnizimin me energji elektrike për të kultivuar bimët në ambiente të mbyllura, dhe vlera e energjisë elektrike së vjedhur dhe përdorur për rritjen e bimëve narkotike arrin në mbi 1.6 milion euro.
Në ditën e arrestimeve masive, 3 hetues shqiptarë u vendosën në Spanjë në kuadër të projektit që synonte të luftonte krimin e organizuar serioz në Ballkanin Perëndimor. Nga aksioni 107 persona u arrestuan, përfshirë shtetas shqiptarë, spanjollë, sllovakë dhe grekë, u zbuluan 51 ferma kanabisi dhe u sekuestruan 25 000 bimë kanabis. U konfiskuan gjithashtu 70 mijë euro dhe automjete luksoze. Mes të arrestuarve, 60 ishin shqiptarë.
