Makina përplas të moshuarin në Elbasan, policia shpall në kërkim të shoferit 

Një aksident i rëndë automobilistik ka ndodhur mbrëmjen e së enjtes në Elbasan. Mësohet se rreth orës 19:50 një mjet ende i paidentifikuar ka aksidentuar një këmbësor 80-vjeçar. Ngjarja ka ndodhur në aksin rrugor Elbasan-Metalurgji,  në fshatin Katundi i Ri.

Bëhet me dije se i lënduari është në spital ku edhe po merr kujdes shëndetësor, jashtë rrezikut për jetën.

Grupi hetimor po punon për identifikimin dhe arrestimin e drejtuesit të mjetit.