E trishtë/ Ka luajtur 30 role kryesore dhe regjisor i dhjetëra shfaqjeve, ndërron jetë aktori shqiptar

Ndahet nga jeta aktori i njohur Muharrem Sylejmani.

Lajmin e ka dhënë Teatri i Gjilanit me anë të një reagimi, ku i shpreh ngushëllimet familjes për këtë humbje të madhe.

REAGIMI I PLOTE:

Me pikëllim të thellë ju njoftojmë se sot, më 01.09.2021, ka ndërruar jetë Muharrem Sylejmani (1954 – 2021), i cili ishte një nga aktorët më të mirë dhe më të dashur të Teatrit të Gjilanit, bartës i mbi 30 roleve kryesore, regjisor i dhjetëra shfaqjeve, njeriu URË i këtij institucioni.

Teatri i Gjilanit shpreh ngushëllimet më të sinqerta familjes, miqëve, kolegëve dhe gjithë atyre që e njohën Muharremin, i cili me karizmën e tij, urtësinë dhe dashurinë e madhe për teatrin ka lënë gjurmë të pashlyeshme në ndëtimin e vlerave dhe krijimin e teatrit tonë.

Pastë dritë shpirti yt, Muharrem! Do të të kujtojmë përherë!

Teatri i Gjilanit nuk është më i njëjtë pa ty!.