E frikshme/ Shpërthen në flakë makina në Maliq, shoferi dhe pasagjeri dalin të tmerruar me vrap

Sot në mëngjes një makinë shpërtheu në aksin Korçë-Pogradec, në afërsi të Maliqit.

Ndërkohë kamerat e sigurisë kanë kapur pamjet nga karburanti aty ku makina mori flakë teksa ishte në ecje.

Dallohet që drejtuesi i mjetit dhe pasagjeri dalin me vrap nga makina mirëpo sipas policisë ata kanë pësuar djegie në trup.

Mjeti në flakë ishte ende i ndezur ndaj ka përfunduar në kanalin që ishte pranë. Mësohet se ka qenë bombula e gazit ajo e cila ka shpërthyer, duke shkaktuar panik tek personat që ishin dëshmitarë.