Tiranë/ E gjetën në rrugë, 55-vjeçari humb jetën në spital. Policia jep detajet

Një 55-vjeçar, ka ndërruar jetë në spital ditën e djeshme në Tiranë.

Policia njofton se bëhet fjalë për një burrë, që dyshohet se ka qenë endacak, i cili u gjet në rrugën “Endri Keko”.

“Më datë 31.08.2021, në spital, ka ndërruar jetë një shtetas ende i paidentifikuar, (endacak), rreth moshës 55 vjeç, i gjetur nga punonjësit e stafit mjekësor, në rrugën “Endri Keko”.

Gjatë këqyrjes paraprake nuk janë konstatuar shenja dhune. Punohet për sqarimin e rrethanave të ngjarjes. Materialet i kaluan Prokurorisë së Rrethit Gjyqësor Tiranë, për veprime të mëtejshme.”, thuhet në njoftimin e policisë së Tiranës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern