Kosovë/ Mbërrin grupi i tretë i afganëve, ja ku do të strehohen 131 refugjatët e tjerë

Mbërrin avioni i tretë në Kosovë me 131 afganë të cilët udhëtuan nga Gjermania me avionin e forcave amerikane.

Deri më tani, aty janë strehuar 355 afganë që do të qendrojnë përkohësisht në bazën ushtarake amerikane e më pas në SHBA.

Më 29 gusht Kosova priti avionin e parë me 111 afganë në bord ndërsa i dyti mbërriti mesnatën mes 30 dhe 31 gushtit. Të gjithë afganët në Kosovë do të strehohen në kampin ushtarak amerikan “Bondsteel” që është nën komandën e KFOR-it.