Duke nisur nga data 1 shtator, do të kryhet procedura e aplikimit për regjistrimin e fëmijëve në çdo kopsht publik të Tiranës.
Drejtoria e Përgjithshme e Çerdheve dhe Kopshteve në Bashkinë e kryeqytetit bën me dije se në datat 01 – 15 Shtator 2021, ora 09:00 – 14:00, do të kryhet procedura e aplikimit për regjistrim në kopshtet publike.
Aplikimi do të kryhet pranë kopshtit ku synohet të regjistrohet fëmija.
Ndërkohë për të bërë regjistrimin e fëmijëve janë përcaktuar disa kritere dhe dokumentacione, që janë të ndara sipas kategorive, duke përfshirë edhe shtresat social ekonomike në nevojë.
