Merret vendimi/ Ndalohen video-lojërat gjatë javës, fëmijët mund të luajnë vetëm 3 orë

Kina ndalon lojërat online për të gjithë persona të cilët janë nën 18 vjeç. Ata nuk do të mund të luajnë gjatë ditëve të javës teksa ka kufizuar lojërat e tyre në vetëm 3 orë në fundjavë, duke shënuar kështu një përshkallëzim të konsiderueshëm të kufizimeve në industrinë masive të lojërave në vend.

Duke nisur nga kjo javë, të miturve do t’u lejohet të luajnë vetëm një orë, mes orës 20:00 dhe 21:00 ditën e premte, në fundjavë dhe në festa publike.

Autoritetet deklaruan se këto kufizime u vendosën për të parandaluar që të rinjtë të bëhen të varur nga video lojërat.

Këtë javë, Qeveria vuri në dukje se rregullat po nxirreshin “në fillim të semestrit të ri  shkollor duke vendosur kërkesa specifike për parandalimin e varësisë nga lojërat online dhe mbrojtjen e rritjes së shëndetshme të të miturve.”