Si të përqëndroheni në punë?/ Disa mënyra si të merrni veten pas pushimeve

Sezoni i pushimeve të verës zyrtarisht pothuajse mori fund dhe tanimë është koha për t’u kthyer sërish në punë. T’i thuash lamtumirë diellit, detit apo dhe lirisë mund të ndihet shpesh si fundi i botës. Kthimi në punë pas pushimeve të gjata të stinës së verës duket si një sfidë më vete. Por si të fokusohemi në punë pas pushimeve dhe si të përqëndrohemi sa më shumë:

1. Përgatituni për punë një ditë më parë
Mos u stresoni dhe mos u sillni si një person i çmendur në mëngjes, por planifikoni se çfarë do të vishni, mendoni për çantën tuaj të punës dhe çdo gjë tjetër një natë më parë.

2.Zgjohu herët
Ditën që filloni punë mundohuni të zgjoheni herët. Madje mund të shkoni në punë edhe pak më herët që të bëni gati tavolinën tuaj të punës dhe të porosisni një kafe. Shtojmë që orët e para të ditës janë më produktive dhe do t’ju ndihmojë të qëndroni të fokusuar në punë.

3.Bëni një listë ‘to do’ dhe mbajeni në tavolinën tuaj të punës
Është shumë e dobishme kur keni listën e detyrave tuaja pranë kompjuterit tuaj. Provoni të krijoni listën e detyrave një ditë para se të shkoni në zyrë. Mund të organizojnë më mirë mendimet tuaja dhe t’ju bëjë të ndiheni më të përgatitur kur të shkoni në punë.

4.Vendosni qëllime të reja
E vetmja mënyrë për të mos u mërzitur në punë është në qoftë se kemi diçka të re për të mësuar dhe për këtë arsye duhet të ecësh sërish në zyrë me një mendim të ri, ide të reja dhe qëllime që mund t’i keni vendosur vetes.