LIGJET E BIZNESIT
Ambasadorja e SHBA në vendin tonë Yuri Kim së bashku me ministren e Jashtme Olta Xhaçka ka vizituar qytetarët afganë të cilët ndodhen të strehuar në zonën e Qytetit Studenti, në Tiranë.
Pas takimit, kryediplomatja ka rrëfyer dhe një detaj emocionues.
Ajo tregon se një vajzë e vogël afgane i ka dhuruar një vizatim dhe një lule, të cilën e quan si një gjest miqësie.
“Pata rastin t’i bashkohem Ministres së Jashtme Olta Xhaçka për një vizitë me disa nga gratë, burrat dhe fëmijët afganë që mbërritën në Shqipëri gjatë ditëve të fundit. Me ta u takuam për herë të parë në aeroport në mes të natës – ishte e mrekullueshme të shiheshim sot në dritën e diellit dhe të dëgjonim historitë e tyre.
U emocionova kur një vajzë e vogël më dha një vizatim të një luleje si një gjest miqësie. Njerëzit që takuam ishin plot lëvdata dhe mirënjohje për popullin shqiptar që i priti me kaq ngrohtësi. Ishin gjithashtu të kënaqur të takonin disa nga njerëzit dhe grupet që kanë mbështetur evakuimin e atyre në rrezik (vizita e sotme përfshin Fondacionin Yalda Hakim dhe Schmidt Futures).”, shkruan ambasadorja e SHBA Yuri Kim.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
