“Jam më i fortë se virusi”/ Ironia e fatit, polici italian që ishte kundër vaksinimit vdes nga Co*id

Një polic italian, i cili ishte kundër vaksinimit, ka ndërruar jetë në spital pas infektimit me Covid-19 në moshën 58-vjeçare.

Candido Avezzù, vdiq më 29 gusht në spitalin Jesolo për shkak të komplikimeve që iu shfaqën pas kontraktimit të Covid-19.

Për Corriere della Sera, gruaja e policit shpjegoi idetë e burrit të saj mbi Covid dhe vaksinën. “Ai ishte i bindur për të mos u vaksinuar, tha gruaja, më tha se ishte më i fortë se virusi”.

Në mediat sociale Avezzù tregoi atë që po ndodhte me të. Më 28 korrik, duke u vendosur në spitalin Jesolo, ai shkroi në Facebook: “Nuk është një vend për të kaluar pushimet, shpresoj të shkoj në shtëpi këtë mëngjes”.

Një postim tjetër dhe përfundimtar u shfaq më 10 gusht. “Po hyj në terapi intensive”.