Zjarr në një fabrikë në Tiranë

Një zjarr ka rënë në ambientet e një fabrike, në orët e para të mëngjesit të sotëm, në rrugën “Konferenca e Pezës” në Tiranë.

Raportohet se ka vetëm dëme materiale, ndërkohë grupi hetimor vijon punën për përcaktimin e shkakut të rënies të zjarrit.

Njoftimi i Policisë:

Tiranë/Informacion paraprak

Më datë 31.08.2021, rreth orës 04:50, në rrugën “Konferenca e Pezës”, ka rënë zjarr në ambientet e një fabrike, ku ka vetëm dëme materiale.

Grupi hetimor vijon punën për përcaktimin e shkakut të rënies të zjarrit dhe sqarimin e rrethanave të ngjarjes.