Pak orë para përfundimit të afatit, Shtëpia e Bardhë jep detaje: Ja sa amerikanë janë evakuuar

Qeveria amerikane thotë se vetëm një numër i vogël i amerikanëve që dëshirojnë të largohen nga Afganistani mbeten aty.

Sekretarja e shtypit Jen Psaki tha se zyrtarët amerikanë janë ende duke punuar për të përcaktuar numrin e saktë, ndërsa shtoi se qeveria amerikane nuk beson se ekziston një kërcënim i drejtpërdrejtë nga grupet terroriste në Afganistan.

“Ne nuk kemi vlerësuar se ndonjë grup në terren, qoftë ISIS-K apo talebanët, ka aftësinë për të sulmuar Shtetet e Bashkuara”, tha Psaki.

Psaki shtoi se disa nga amerikanët që mbeten në Afganistan janë shtetas të dyfishtë amerikano-afganë, disa prej të cilëve ende nuk kanë vendosur nëse duan të largohen.

Rreth 6,000 amerikanë janë evakuuar nga Afganistani që nga 14 gusht.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern