Këshilli Kombëtar i Partisë Demokratike është mbledhur sot për të zgjedhur drejtuesit e strukturave të reja të partisë por edhe të grupit parlamentar.
Pak minuta para nisjes, ish-kryeministri Sali Berisha ka ngjitur shkallët e selisë blu, i shoqëruar nga Dasho Aliko, ish-kryetar i Komunës së Lazaratit, aktualisht drejtues i degës së PD-së Gjirokastër dhe deputeti Tritan Shehu.
Teksa komunikon diçka me të, Berisha Berisha dëgjohet t’i thotë Dasho Alikos “me kënaqësi, patjetër”.
Theksojmë se Lulzim Basha ndodhet përpara një vendimi shumë të vështirë, pasi në fund të muajit korrik ambasadorja amerikane në Tiranë, Yuri Kim i kërkoi që të largonte Sali Berishën nga grupi parlamentar, pasi e shpalli “non grata”.
