“S’do kisha zgjedhur kurrë baba tjetër” I ati ndërroi jetë, djali i Sherif Merdanit prek me fjalët: Ato vite ia kishin borxh

Një ditë pas ndarjes nga jeta të artistit të madh Sherif Merdani, sot janë zhvilluar edhe homazhet në nderim të tij.

Ndërkohë për mediat ka dhënë folur dhe djali i tij Gerardi.

Me anë të një deklarate prekëse, ai është shprehur se nuk do të zgjidhte një person tjetër  për baba, pasi i ati i ka mësuar vlerat e vërteta të jetës. Ai shtoi se ka shumë kujtime dhe mësime të bukura nga babai.

“Mund të ta përkufizoj me një fjali. S’do kisha zgjedhur kurrë baba tjetër. Se kam ndjerë diferencën e madhe të moshës mes nesh. Nuk e ka jetuar jetën si 70-80 vjeçar. Ato vite ia kishin borxh, Ishte vital, me dashuri, respekt për jetën. Babai më ka mësuar të mos hakmerrem, t’i dua njerëzit, por edhe mos t’i besoj kollaj njerëzve për atë që ka kaluar. Më ka mësuar vlerat e vërteta në jetë, e anës monetare e atë shpirtërore. Jam plot mësime nga babai im. Ai në fillim të daljes nga burgu se mendoi kurrë se jeta do i jepte dhe gati 32 vite jetë. Që do martohej dhe do ta bënte prapë Shqipërinë që të fliste për të dhe që do të arrinte në këtë moshë. Muajt e fundit nuk ishin të lehtë as për të dhe familjen tonë. Kalvari i madh i vuajtjeve që ka kapur, sëmundje e rëndë, mosha bashkë, s’kanë qenë të lehta. Preferojmë që ta mbajmë private. Mendoj se krijimtaria e tij më e bukur ka qenë pas burgut, me perlën me Luan Zhegun “Se kënduam Let it Be’”, tha ai.